Masallı sakini 5 kq narkotiklə tutuldu

Yardımlı rayonunda narkotiklərlə bağlı xüsusi əməliyyat keçirilib.

Teleqraf.com xəbər verir ki, əməliyyatı Yardımlı rayon polis şöbəsi əməkdaşları keçirib.

Əməliyyat-axtarış tədbirləri nəticəsində Masallı rayon sakini Ziya Müzəffərovun idarə etdiyi “Mercedes” markalı avtomobil saxlanılıb.

Avtomobildə olan sərnişin, masallı rayon sakini, əvvəllər məhkum olunmuş Fikrət Cabbarovdan 4 kiloqram 860 qram marixuana, 935 qram həşiş qətranı və 806 qram heroin götürülüb.

Hacı Zeynalov