Sabirabad şəhərinin ərazisində ağır yol qəzası baş verib.
Teleqraf.com Daxili İşlər Nazirliyinin saytına istinadən xəbər verir ki, şəhər sakinləri Məhərrəm Abbasovun və Vüsal İsmayılovun idarə etdikləri "VAZ" markalı avtomobillər toqquşub. Xəsarət almış M.Abbasov və sərnişini, şəhər sakini Gülər Teyfi-İbadova, habelə V.İsmayılov və sərnişini Adil Cəfərov xəstəxanaya yerləşdirilib, G.Teyfi-İbadova orada ölüb.