Bakıda 32 yaşlı kişi bıçaqlandı

Bakının Xətai rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun NZS qəsəbəsində qeydə alınıb.

Bakı şəhər sakini, 32 yaşlı Firdovsi Rüstəmov naməlum şəxs tərəfindən bıçaqlanıb. O, ağır xəsarətlə xəstəxanaya gətirilib. Vaxtında tibbi yardım göstərildiyi üçün onun həyatını xilas etmək mümkün olub.

Komada olan Firdovsi Rüstəmovu dindirmək mümkün olmayıb. Bu səbəbdən onun kim tərəfindən və hansı səbəbdən bıçaqladığı məlum deyil.

Faktla bağlı Xətai rayon Polis İdarəsinin 37-ci polis bölməsində araşdırma aparılır.

Hacı Zeynalov