Rövşən Lənkəranski və “Loti Quli”nin daha iki tərəfdarı həbs edildi

Bakıda hüquq-mühafizə orqanları əməkdaşlarının silahlı şəxslərə qarşı xüsusi əməliyyatı davam edir.

Teleqraf.com xəbər verir ki, əməliyyatı Bakı şəhər Baş Polis İdarəsinin n Cinayət Axtarışı İdarəsi və Sabunçu Rayon Polis İdarəsinin 12-ci polis bölməsini əməkdaşları keçirib.

Əməliyyat-axtarış tədbirləri nəticəsində Bakı şəhər sakinləri Qaçay Məmmədovdan 5,1 qram heroin və 1 ədəd bıçaq, əvvəllər məhkum olunmuş Rahib Qasımovdan isə 5,2 qram heroin, nömrəsi silinmiş “Makarov” markalı tapança, 1 ədəd patron darağı və 8 ədəd patron götürülüb.

Qeyd edək ki, bir neçə gündür hüquq-mühafizə orqanlarının əməkdaşları Sabunçu rayonunda xüsusi əməliyyatı davam edir. Keçirilən əməliyyat nəticəsində kriminal aləmdə nüfuza malik olan “Lotu Quli” ləqəbi ilə tanınan Nadir Səlifova və “Rövşən Lənkəranski” ləqəbi ilə tanınan Rövşən Canıyevə yaxınlığı ilə seçilən 12 nəfər həbs edilib. Kriminal aləmin üzvlərinə qarşı əməliyyat rayonun Sabunçu qəsəbəsində keçirilib.

Bundan başqa, Sabunçu qəsəbədə yaşayan 1985-ci il təvəllüdlü Kamil Quliyev, 1983-cü il təvəllüdlü Namiq İbayev, 1981-ci il təvəllüdlü Namiq Həşimov, 1985-ci il təvəllüdlü Orxan İbrahimov həbs ediliblər. Onlar 12-ci polis bölməsinə gətiriliblər. Onlardan narkotik və silah-sursat aşkar edilib.

Eyni əməliyyatın davamı olaraq Sabunçu qəsəbəsində məskunlaşan Gürcüstan vətəndaşı, 1981-ci il təvəllüdlü Samir Əliyev də saxlanılıb. Ondan 2,320 qram heroin və 1 ədəd süngü bıçaq və avtomat silah aşkar olunub. Hüquq-mühafizə orqanları əməkdaşlarının Bakxanov qəsəbəsində keçirdiyi əməliyyat nəticəsində 1989-cu il təvəllüdlü Məhərrəm Məmmədov həbs edilib. Ondan “Makarov” tipli tapança aşkar olunub.

Hacı Zeynalov