Toyda musiqi sifarişi üstündə bıçaqlanma: ata və oğul həbs edildi

Salyan rayonunda bıçaqlanma hadisəsi baş verib.

Teleqraf.com xəbər verir ki, Salyan rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində rayon sakini Elman Ağayevə bıçaqla xəsarət yetirməklə sağlamlığına ağır zərər vurmuş həmyerlisi Cavad Hüseynov tutulub.

Qanlı cinayət hadisəsi rayonunun Qarabağlı kəndində qeydə alınıb. Həmin kəndin sakini, 1974-cü il təvəllüdlü Elman Ağayev həmkəndlisi - 1961-ci il təvəllüdlü Yunis Hüseynov tərəfindən bıçaqlanıb.

Elman Ağayev sol döş qəfəsin dəlib keçən yarası diaqnozu ilə Şirvan şəhər Xəstəxanasına yerləşdirilib, əməliyyat olunub. Vəziyyəti orta-ağırdır.

Hadisə toyda musiqi sifarişi üstündə baş verib. Mübahisədə Yunis Hüseynovun oğlu, 1990-cı il təvəllüdlü Cavad Hüseynov da iştirak edib. Baş vermiş hadisəyə görə, ata və oğul saxlanılıb.

Hacı Zeynalov