Rəfiqəsinin evindən oğurluq edən qadın tutuldu

Bakının Yasamal rayonunda evdən oğurluq edilib.

Teleqraf.com xəbər verir ki, Bakı şəhər sakini Adilə Həsənovaya məxsus evdən 1000 manat oğurlanıb.

Adilə Həsənova baş verən oğurluq faktı ilə bağlı Yasamal Rayon Polis İdarəsinin 29-cu polis bölməsinə müraciət edib. O, bildirib ki, evindən oğurluğu rəfiqəsi Yuliya Barikina edib. Onun sözlərinə görə, aprelin 30-da Yuliya Barikina onlara qonaq gəlib. Bir neçə saat onlarda olan Yuliya Barikina gedib və bundan sonra evdən 1000 manatın yoxa çıxdığını görüb.

Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Bakı şəhər sakini Yuliya Barikina saxlanılıb.

Faktla bağlı cinayət işi başlanıb.

Hacı Zeynalov