Sumqayıt sakini qətlə yetirildi

Sumqayıt şəhərində qətl hadisəsi baş verib.

Teleqraf.com xəbər verir ki, hadisə şəhərin 36-cı məhəllə adlanan ərazisində qeydə alınıb.

Sumqayıt şəhər sakini, 1969-cu il təvəllüdlü Tapdıq Musayev naməlum şəraitdə qətlə yetirilib. Tapdıq Musayevin kimin tərəfindən və hansı səbəbdən qətlə yetirildiyi məlum deyil.

Hazırda hüquq-mühafizə orqanlarının əməkdaşları cinayəti törədən şəxsin müəyyən edilərək həbs edilməsi üçün tədbirlər görür.

Faktla bağlı Sumqayıt Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov