Bakıda ağır qəza: 1 ölü, 4 yaralı

Bakının Səbail rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə rayonun Bayıl qəsəbəsində qeydə alınıb.

Bakı şəhər sakinləri Fərhad Ocaqnavinin idarə etdiyi “Ford” markalı və Emil Məhərrəmovun idarə etdiyi “Mazda ” markalı avtomobillər toqquşub.

Nəticədə Emil Məhərrəmovun avtomçobilində olan sərnişin Mikayıl Makraqus ölüb. Emil Məhərrəmov və onun avtomobilində olan digər sərnişini Emil Əlizadə, Fərhad Ocaqnavi və sərnişini Ənvər Mirzəyev xəstəxanaya yerləşdirilib.

Faktla bağlı Səbail rayon Polis İdarəsində araşdırma aparılır.

Hacı Zeynalov