Qardaş oğlanla danışdığına görə bacısını öldürdü - Bakıda

Bakının Nərimanov rayonunda dəhşətli qətl hadisəsi baş verib.

Teleqraf.com xəbər verir ki, hadisə rayonun Faiq Yusifov küçəsində qeydə alınıb.

Bakı şəhər sakini, 1994-cü il təvəllüdlü Emin Çobanov bacısı, 1986-cı il Rübabənı bıçaqlayaraq öldürüb. Hadisə qısqanclıq zəminində baş verdiyi bildirilir.

Məlumata görə, Emin Çobanov özündən 8 yaş böyük olan bacısının başqa oğlanla münasibət saxlamasını bilib. Buna görə də qardaş və bacı arasında mübahisə yaranıb. Mübahisə zamanı Emin bacısına 30-dan çox bıçaq zərbəsi vuraraq qətlə yetirib.

Hadisəni törədən Emin Çobanov polisə gələrək təslim olub.

Faktla bağlı Nərimanov rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov