Suraxanıda qadın evində bıçaqlandı

Bakının Suraxanı rayonunda qanlı cinayət hadisəsi baş verib.

Teleqraf.com xəbər verir ki, hadisə rayonun Suraxanı qəsəbəsində qeydə alınıb.

Qəsəbə sakini Aytəkin Qüdrətova evindən kəsilmiş-deşilmiş xəsarətlə xəstəxanaya gətirilib. Aytəkin Qüdrətovaya tibbi yardım göstərilib və onun həyatını xilas etmək mümkün olub.

Suraxanı rayon Polis İdarəsini 31-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Astara rayon sakini, əvvəllər məhkum olunmuş Bəxtiyar Məmmədov tutulub.

Məlumata görə, hadisə şəxsi münasibətlər zəminində baş verib.

Faktla bağlı Cinayət Məcəlləsinin 126.1-ci (sağlamlığa ağır zərərvurma) maddəsi ilə cinayət işi başlanıb.

Hacı Zeynalov