Əsəd: Hələ gözləmək lazımdır

7 Fevral 2017 13:18 (UTC+04:00)

Suriya prezidenti Bəşər Əsəd "Sana" agentliyinə müsahibə verib.

Teleqraf.com xəbər verir ki, o, müsahibəsində bir çox mühüm məsələlərə toxunub.

İlk olaraq, Əsəd gələcək prezidentin kimliyi məsələsinə aydınlıq gətirib: "Suriya mənim ailəmin mülkü deyil. Bu ölkə Suriya xalqına məxsusdur. Suriyanı hər bir suriyalı idarə edə bilər".

Suriya prezidenti ölkəsindəki böhranla bağlı ABŞ və Rusiyanın əməkdaşlığının vacibliyini vurğulayıb. O bildirib ki, bu iki ölkənin əməkdaşlığı, tək Suriyaya deyil, bütün dünyaya müsbət təsir göstərək: "Trampdan İŞİD və digər terror qruplaşmaları ilə mübarizə məsələsində eşitdiyimiz bəyanatları son 6 ildə biz də səsləndirmişik. ABŞ və Rusiyanın əməkdaşlığının perspektivləri var. Ancaq hələ gözləmək lazımdır".

Əsəd jurnalistin Astana görüşləri ilə ona ünvanladığı sualını da cavablandırıb: "Hələ ki Astana görüşünü
qiymətləndirmək tezdir. Ancaq bu formatda görüşlər Suriya böhranının həllində mühüm addım ola bilər. Hazırda ölkədə atəşkəs hökm sürür. Bu, əsas amildir".

Samir