Hellouin şənliyində atışma: 4 ölü

1 Noyabr 2019 23:15 (UTC+04:00)

ABŞ-ın Kaliforniya ştatındakı Orinda şəhərində keltlərin və irlandiyalıların ənənəvi bayramı olan Hellouin şənlikləri zamanı baş vermiş atışma nəticəsində ən azı 4 nəfərin öldüyü, daha bir neçə insanın yaralandığı bildirilir.

Teleqraf.com xəbər verir ki, polisin ilkin məlumatında avtomat silahla şənliyin keçirildiyi evə atəş açan şəxsin hadisə yerindən qaçdığı bildirilir. Yaralıları yaxınlıqdakı xəstəxanaya çatdırılıb, neçəsinin vəziyyətinin ağır olduğu bildirilir.

ABŞ-da Hellouinə həsr edilmiş daha bir insident iki gün əvvəl Kaliforniya ştatının Lonq-Biç şəhərində baş verib. Həmin atışmada üç nəfər həyatını itirib, daha doqquz nəfər isə yaralanıb.