Türkiyə məktəblərində hicab qadağası götürüldü

23 Sentyabr 2014 10:24 (UTC+04:00)

Türkiyədə qızların orta məktəbə hicabla getmələrinə icazə verilib. Teleqraf.com xəbər verir ki, baş nazir Əhməd Davudoğlunun dünən keçirdiyi müşavirədə bununla bağlı razılıq əldə olunub.



7 saat davam edən müşavirədə baş nazirin müavini Bülənt Arınç orta məktəblərdə baş örtüyü qadağasının aradan qaldırıldığını bildirib.

"Yeni tədris ili hər kəs üçün uğurlu olsun", deyə baş nazirin müavini bildirib.

Qeyd edək ki, bu vaxta qədər Türkiyədə şagirdlərin hicabla məktəbə getməsi yasaq elan olunub və bunun dünyəvi dəyərlərə zidd olduğu açıqlanıb.