NATO Rusiyanın qarşısında şərt qoydu

23 May 2020 01:16 (UTC+04:00)

Rusiya Kalininqrad üzərində və Gürcüstan yaxınlığında uçuşlara məhdudiyyətləri aradan qaldırsa, ABŞ Açıq Səma Anlaşmasına qayıda bilər.

Teleqraf.com xəbər verir ki, bu sözləri NATO Baş katibi Yens Stoltenberq deyib.

Alyans rəhbəri Rusiyanı sözügedən anlaşmanı tam həcmdə icra etməməkdə ittiham edib:

“Uzun illər ərzində, həmçinin, bir neçə ardıcıl görüşdə Rusiyadan bu müqaviləni tam şəkildə icra etməsini tələb etmişik”.

Qeyd edək ki, ABŞ Prezidenti Donald Tramp ölkəsinin Açıq Səma Anlaşmasından çıxağacağını bəyan edib.