"Ali Məhkəmə ədalətli qərar qəbul etdi" - Vəkil

20 Avqust 2020 17:24 (UTC+04:00)

Ali Məhkəmə Qazaxıstan Respublikasının vətəndaşının barəsindəki qərardan verilən kassasiya şikayətini araşdırıb.

Bu barədə Teleqraf.com-a təqsirləndirilən əcnəbinin hüquqlarını müdafiə edən vəkil, Vəkillər Kollegiyasının üzvü Şaiq Mirzəyev bildirib.

O bildirib ki, hakim Ələsgər Əli Novruzovun sədrliyi ilə araşdırılan cinayət işinə çox ədalətli və obyektiv şəkildə baxılıb. Məhkəmənin qərarı ilə iş yenidən baxılması üçün apelyasiya instansiyasına qaytarılıb:

"Əminəm ki, ədalətli hakimlərin sayəsində bu iş öz həllini tapacaq. Ali Məhkəmədə çıxarılan bu qərar bir daha sübut edir ki, cənab Prezidentin "Məhkəmə-hüquq sistemində islahatların dərinləşdirilməsi haqqında" Fərmanından sonra bu sahədə çox mütərəqqi addımlar atılır. Həm hüquq şirkətinin rəhbəri, həm də məhkəmə proseslərində iştirak edən vəkil kimi məhkəmə-hüquq sistemindəki bu inkişafın şahidi oluram".