Azərbaycanda fəaliyyət göstərən partiyaların - Sayı

25 Yanvar 2021 13:49 (UTC+04:00)

“Ötən il Azərbaycanda 7 siyasi partiya qeydə alınıb”.

Teleqraf.com xəbər verir ki, bunu Ədliyyə Nazirliyinin Qeydiyyat və notariat baş idarəsinin rəisi İlqar Məmmədov 2020-ci ilin yekunlarına həsr olunmuş videokonfransda deyib.

Onun sözlərinə görə, hazırda Azərbaycanda 62 siyasi partiya fəaliyyət göstərir: “Bu siyasi partiyaların əksəriyyəti aktiv fəaliyyət göstərir və siyasi dialoqun tərəfdaşına çevriliblər. Aktiv partiyaların Vətən müharibəsi dövründə Ali Baş komandanın ətrafında birləşdiyinin şahidi olduq. Amma elə partiyalar var ki, ümumiyyətlə fəaliyyətsizdirlər. Qanunvericilikdə nəzərdə tutulmuş qaydada toplantılarını keçirmir, vaxtında hesabatlarını təqdim etmirlər”.