Türkiyə və İran prezidentləri arasında telefon danışığı oldu

21 İyul 2021 22:42 (UTC+04:00)

Türkiyə Prezidenti Rəcəb Tayyib Ərdoğan İran İslam Respublikasının Prezidenti Həsən Ruhani ilə telefonla danışıb.

Teleqraf.com xəbər verir ki, hər iki ölkənin lideri Qurban bayramı münasibətilə qarşılıqlı olaraq bir-birilərini təbrik ediblər.

Prezidentlər ikitərəfli əlaqələrin və regional məsələləri müzakirə ediblər.

Prezident Ərdoğan bildirib ki, Ruhani ilə indiyədək davam edən yüksək səviyyəli əməkdaşlığı və dialoqu İranda prezident vəzifəsini öz üzərinə götürəcək yeni rəhbərliklə də davam etdirəcəklərinə inanır.

Qeyd edək ki, R.T.Ərdoğan bu gün Bosniya və Herseqovinanın Rəyasət Heyətinin Sədri Sefik Caferoviçlə də telefonla danışıb. Liderlər Qurban Bayramı münasibətilə qarşılıqlı olaraq bir-birilərini təbrik ediblər.