Azərbaycanda amnistiya düşənlərin sayı açıqlandı

18 Yanvar 2022 16:32 (UTC+04:00)

Bu ilin yanvarın 18-dək Ədliyyə Nazirliyinin Penitensiar və Probasiya xidmətləri tərəfindən "8 Noyabr -Zəfər günü münasibətilə Amnistiya elan edilməsi haqqında" Milli Məclisin 5 noyabr 2021-ci il tarixli Qərarı 9263 nəfərə tətbiq edilib.

Bu barədə Teleqraf.com-a Ədliyyə Nazirliyindən bildirlib.

Onlardan -4022-si Penitensiar, 5235-i Probasiya xidmətləri tərəfindən tətbiq edilib, Amnistiyanın tətbiqi nəticəsində 7529 nəfər ayrı-ayrı cəzalardan azad edilib, 1728 nəfərin isə cəzası azaldılıb.