Melitopolda döyüşlər başladı – Ukraynalı partizanlar qatarı partlatdılar

18 May 2022 16:23 (UTC+04:00)

Bu gün səhər saatlarında Ukraynanın Zaporojye vilayətinin işğal altında olan Melitopol şəhərində partlayış olub və şəhərin demək olar ki, bütün ərazilərində eşidilib.

Teleqraf.com xəbər verir ki, Ukrayna mətbuatı Rusiya qüvvələrinin şəhərdəki komendantlığının yaxınlığında qumbara partlayıb, bundan sonra “Şmidt” küçəsində atışma başlayıb.

Məlumata görə, rus qüvvələrinin komendantlığının binası mühasirəyə alınıb. Binaya yüksək rütbəli bir şəxsin gəlməyə hazırlaşdığı deyilib.

Ukraynalı partizanların şəhərə girdikləri iddia olunub. Partizanlar Melitopolda Rusiya qüvvələrinə zirehli texnika daşıyan qatarı partladıblar, dəmir yolu və texnikaya ziyan dəyib. Hücumda həlak olan Rusiya hərbçilərinin sayı bəlli deyil, amma xeyli sayda itki verdikləri bildirilib.