Tramp məxfi sənədləri geri tələb etdi

15 Avqust 2022 22:56 (UTC+04:00)

Ağ Evin keçmiş rəhbəri Donald Tramp hüquq-mühafizə orqanlarına müraciət edərək evindən götürülmüş sənədləri geri tələb edib.

Teleqraf.com xəbər verir ki, bu barədə Tramp özünün “Truth Social” sosial şəbəkəsində məlumat verib.

Onun sözlərinə görə, FTB əməkdaşları Mar-a-Laqo malikanəsində axtarış zamanı içində məxfi sənədlər olan qutuları, habelə icra hakimiyyətinin imtiyazı ilə qorunan materialları müsadirə edib.

“Mən hüquq-mühafizə orqanlarına müraciət edirəm və onlardan bu materialları dərhal geri qaytarmalarını xahiş edirəm”, - deyə Tramp əlavə edib.

Eyni zamanda ABŞ senatorları ölkənin hakimiyyət orqanlarına bu sənədlərə çıxış əldə edilməsi ilə bağlı sorğu göndəriblər.