İlham Əliyev: Almaniya ilə ikitərəfli əlaqələr region üçün çox mühümdür

17 Avqust 2022 00:13 (UTC+04:00)

Almaniya ilə Azərbaycan arasında ikitərəfli əlaqələr region üçün və həmçinin ölkələrimiz üçün çox mühümdür.

Teleqraf.com xəbər verir ki, bunu Prezident İlham Əliyev Almaniyanın Azərbaycanda yeni təyin olunan səfirinin etimadnaməsini qəbul edərkən deyib.

Dövlət başçısı bildirib:

"Bizim çox geniş gündəliyimiz var və əməkdaşlığın yaxşı tarixi var. Bildiyiniz kimi, alman şirkətləri Azərbaycanda çox geniş təmsil olunub və əminəm ki, onların fəaliyyəti daha da geniş olacaq. Bizim yüksək səviyyəli səfərlərimiz və çox yaxşı siyasi əlaqələrimiz var. Əlbəttə, biz yeni fürsətlərin nədən ibarət olduğunu görməliyik. Çünki Almaniya ilə Azərbaycan arasında ikitərəfli əlaqələr region üçün və həmçinin ölkələrimiz üçün çox mühümdür".