ABŞ Əfqanıstanda 9,8 min hərbçi saxlayacaq

25 Mart 2015 01:35 (UTC+04:00)

ABŞ hakimiyyəti planlaşdırdığı əhəmiyyətli ixtisar əvəzinə Əfqanıstanda ilin sonunadək 9,8 min amerikalı hərbçi saxlamağa qərar verib.

APA-nın “İnterfaks”a istinadən verdiyi xəbərə görə, bu barədə “Associated Press”-in yaydığı məlumatda bildirilir.


Qeyd edək ki, ABŞ qoşunlarının ölkə ərazisində əvvəlki kontingentdə saxlanılmasına dair qərar Əfqanıstan prezidenti Əşrəf Qani Əhmədzayın xahişi əsasında verilib.


Bundan əvvəl Vaşinqton Əfqanıstanda ABŞ hərbçilərinin sayını ilin sonunadək 5,5 minədək azaltmağı planlaşdırmışdı. ABŞ-ın 2016-cı ildə Əfqanıstanda hərbi iştirakının miqyası bu ilin sonunadək müəyyənləşdiriləcək.