Erməni şagirdlər Bakıya gəlir

7 May 2015 18:05 (UTC+04:00)

Bakıda keçiriləcək 47-ci Beynəlxalq Kimya Olimpiadasında erməni şagirdlər də iştirak edəcək.

Publika.az erməni mətbuatına istinadən xəbər verir ki, bu barədə Ermənistanın Elm və Təhsil Nazirliyi məlumat yayıb. Məlumata görə, onları Ermənistanın elm və təhsil naziri Armen Aşotyan müşaiyət edəcək.

Yarışa qatılmaq üçün Ermənistan tərəfi Azərbaycandan təhlükəsizliklə bağlı təminat istəyir.

Xatırladaq ki, 47-ci Beynəlxalq Kimya Olimpiadası bu il iyulun 20-29-da Bakıda keçiriləcək. Olimpiadanın təşkilatçısı M.Lomonosov adına Moskva Dövlət Unversitetinin Bakı filialıdır.