Meksikada 149 ton narkotik maddə məhv edilib

27 İyul 2015 00:57 (UTC+04:00)

Meksikanın Nayarit ştatında 149 ton narkotik maddə məhv edilib.

AZƏRTAC xarici KİV-lərə istinadla məlumat verir ki, böyük ərazini əhatə edən marixuana plantasiyaları Rosa-Blanka şəhəri yaxınlığında aşkar edilib. Müsadirə olunaraq yandırılmış marixuananın çəkisi 149 ton təşkil edib.

Bu, son illərdə Meksikada aşkar edilən ən böyük marixuana plantasiyasıdır.