Ankarada dəhşətli qəza: 9 ölü

4 Yanvar 2016 14:08 (UTC+04:00)

Ankarada ağır yol qəzası baş verib. Hadisədə 9 nəfərin öldüyü, 37 nəfərin isə xəsarət aldığı bildirilir.

Bu barədə Trend Türkiyənin Haber7 qəzetinə istinadən məlumat verir.

Hadisənin baş verməsinə səbəb Ankaranın magistral yollarına davamlı sulu qarın yağması olub. İlkin məlumatlarda ölən və yaralıların sayının artacağı istisna edilmir.

Məlumatda yol qəzasında xəsarət alanların hamısının Türkiyə vətəndaşları olduğu deyilir. Yaralılar yaxınlıqdakı xəstəxanalara yerləşdirilib.