Rusiya ordusu Oçeretnı yaşayış məntəqəsində Ukraynanın müdafiəsini yarıb keçməyə və möhkəmlənməyə nail olub.
Teleqraf.com xəbər verir ki, bu barədə Ukraynanın “Xortitsa” operativ-strateji qoşun qrupunun sözçüsü Nazar Voloşin bildirib.
“Qəsəbənin bir hissəsi düşmənin nəzarətindədir. Qəsəbənin bu hissəsi Müdafiə Qüvvələrinin atəşi altındadır”, - sözçü deyib.
Onun sözlərinə görə, Ukrayna ordusu rusların qəsəbədən çıxarılması üçün bütün tədbirləri görür.
“Hazırda orada şiddətli döyüşlər gedir. Silahlı Qüvvələr vəziyyətə nəzarət edir”, - Voloşin vurğulayıb.
O qeyd edib ki, Rusiya bu istiqamətdə taktiki uğur qazanıb:
“Rusiya müdafiəmizi yarmaq üçün bu istiqamətdə dördə qədər briqada yerləşdirmişdi”.