Rusiya səfirliyi Finlandiyaya etiraz etdi

Rusiya səfirliyi ölkədəki Rusiya aktivlərinə həbs qoyulması ilə əlaqədar Finlandiyaya etiraz edib.

Teleqraf.com xəbər verir ki, bu barədə "RİA Novosti" məlumat yayıb.

"Səfirlik Finlandiya Xarici İşlər Nazirliyinə nota göndərərək, Finlandiya hakimiyyətinin beynəlxalq hüququn müddəalarını kobud şəkildə pozan hərəkətlərinə kəskin etirazını bildirib", - Rusiya diplomatik missiyası bildirib.

Onlar həmçinin qeyd ediblər ki, Finlandiya Məhkəmə İcraçıları Xidmətinin qərarına yenidən baxılacağını gözləyirlər.

Qeyd edək ki, oktyabrın 29-da Finlandiyada məhkəmə Rusiya dövlətinin ümumilikdə 4 milyard avro dəyərində aktivlərinə həbs qoyub.