Rusiyada istilik elektrik stansiyasında (İES) baş verən partlayış nəticəsində 16 nəfər xəsarət alıb. Hadisə Rusiya Federasiyasının Tıva Respublikasının Uluq-Xem rayonundakı Şaqoran İES-də baş verib.
Teleqraf.com xəbər verir ki, bu barədə Uluq-Xem rayon administrasiyasının sədr müavini Buyan Maskır bildirib.
Onun sözlərinə görə, obyektdə olan qalan şəxslərin vəziyyəti normaldır.
Tıva hökuməti bu məlumatı təsdiqləyib, yaralananların vəziyyəti dəqiqləşdirilir. Bildirilib ki, Şaqoran İES-də dörd qazanxananın heç biri zədələnməyib və ştat rejimində işləyir.