“Mən pozğunam...” - Elza Seyidcahan

Əməkdar artist Elza Seyidcahan yeni “şeir”ini təqdim edib.

Teleqraf.com xəbər verir ki, o “Əxlaqlı adam” şeirini İnstaqram hesabından paylaşıb.

O, hesab edir ki, yaradıcı insan öz yaratdığı əsərə açıqlama verməli deyil:

“Bunun üçün mahir nəzəriyyəçilərimiz, tədqiqatçılarımız var. Düşünmək çox gözəldir. Beynimiz təzələnir. Hər bir sözü istəsək pis, istəsək yaxşı mənada yoza bilərik və aça bilərik. Arzu edirəm ki, hamımız öz dostlarımıza, yaxınlarımıza pisliyə yaxşılıqla cavab verməkdən usanmayaq. Və mütləq göylərdən gözəl mükafat alacağıq. Buna bəzən də el arasında “Mən də yaxşılığın pozğunuyam” deyirlər.

***

Yorğunam mən,

Özüm bilərəm,

Yaşamağı dadıram

Yaxşılıqla yatıram

Yaxşılıqda yanıram

Mən yandıqca qanıram

Azmışam mən

Pozğunluğun yollarında

Yatmışam mən

Yaxşılığın qollarında

Döşəyimin yorğanıyam.

Yumru-yumru, yumru-yumru

Buludların arxasındayam

Vurğunuyam nəsihətin

Ölürəm acından onun üçün

Yeyərəm onu "uff" demərəm

Axı, o mənim hürriyətim

Min bir sahibi vardır

Mənim təmiz əxlaqımın

Dedi-qodudan

Qorxusu olmaz

Saf su tək əxlaqımın

Səhər-axşam qalxanıyam.

Çirkinliyin

Miskinliyin fərmanıyam

Küskünlüyün dərmanıyam

Qəmlər bir cür yozqundur

Dəmlər yüz cür yozqundur

Pozğunluğun acından

Ölüm acından.

Öldürəcəm acından

Ölün acından

O pozğun ki,

Mənim kimi bir pozğuna

Qoy rast gəlsin istəyirəm

Ey pisliyin pozğunları

Pozğun olub yaxşılıqda

Arxalıqda, yamanlıqda

Arxalıqda, yamanlıqda

Samanlıqda eşələnər

Köməyinə guya gələr

Səs-küyə ürpələnər

Asıldıqca

Mən pozğunam

Sən də pozğun ol deyəcək

Mənim kimi. - İtin kimi etibarlı

Olmağı mən istəyirəm.

Toxluğuyam yamanlığın

Çoxluğuyam tamahlığın

Vurğunuyam təsirliyin

Əsirgiyəm yönlülüyün

Heyranıyam adlılığın

Zirvəsiyəm yerliliyin

Ustadıyam çıxışlığın

Atılanıyam yaxşılığın

Heç kəs özünü

Saya bilməz.

Tam əxlaqlı adam.

Nə qədər ki, deyil.

Hamı.

Tam əxlaqlı adam.

Pərvin