FETÖ terrorçularının lideri Türkiyəyə gəldi

ABŞ Mərkəzi Qüvvələrinin komandiri general Cozef Votel Türkiyəyə gəlib.

Teleqraf.com xarici mediaya istinadla xəbər verir ki, 15 iyul hadisələrindən sonra Fətullahçı terror təşkilatının (FETÖ) terrorçularına sahib çıxan Vitel Türkiyə Silahlı Qüvvələrinin Baş qərargah rəisi general Hulusi Akar, iraqlı baş qərargah rəisi general Osman Qənimi, ABŞ-ın Avropadakı qüvvələrinin komandiri general Kurtis Skaparotti ilə görüşüb.

Hulusi Akar görüş zamanı ABŞ Prezidenti Donald Trampa vədini tutmaq çağırışını edib: “O, PYD silahlılarına hərbi yardımı dayandırmaqla bağlı vəd verdi. Vədini tutmaq vaxtıdı. PYD-yə yardımı dayandırın!”

Amerikalı general isə İŞİD terror təşkilatına qarşı həyata keçirilən əməliyyatlardan sonra verilən silahların geri alınacağını bildirib.