Aytən Səfərova evə buraxıldı

Tanınmış aparıcı Aytən Səfərova xəstəxanadan evə buraxılıb.

Teleqraf.com xəbər verir ki, Aytən Səfərova artıq xəstəxanadan çıxıb.

Qeyd edək ki, aprelin 17-si saat 7 radələrində Xətai rayonunun 8 Noyabr prospekti ilə Sadıqcan küçəsinin kəsişməsində İsmayıl Məmmədovun idarə etdiyi “Hyundai ix-35” markalı avtomobillə Aytən Piriyevanın (Səfərova) idarə etdiyi avtomobil toqquşub.

Nəticədə İ.Məmmədovun idarə etdiyi avtomobildə olan sərnişin Ayxan Əliyev aldığı bədən xəsarətləri nəticəsində xəstəxanaya yerləşdirilib və orada ölüb.

Xətai Rayon Polis İdarəsində Cinayət Məcəlləsinin 263.2 maddəsi ilə cinayət işi açılıb, istintaq hərəkətləri aparılır.