İsveç millisində Azərbaycanla oyundan öncə itki

İsveç millisi UEFA Millətlər Liqasının 6-cı turu çərçivəsində doğma meydanda Azərbaycanla oyundan öncə itki ilə üzləşib.

Teleqraf.com xəbər verir ki, bu barədə İsveç Futbol Federasiyasının mətbuat xidməti məlumat yayıb. Sözügedən yığmanın müdafiəçisi Viktor Lindelof sıradan çıxıb. "Mançester Yunayted"in futbolçusu yığmanın düşərgəsini tərk edib.

Qeyd edək ki, İsveç - Azərbaycan matçı 19 noyabr tarixində Bakı vaxtı ilə saat 23:45-də başlayacaq.