Messi Pelenin rekordunu təkrarladı

İspaniyanın “Barselona” futbol klubunun hücumçusu Lionel Messi ölkə çempionatında “Valensiya”ya qarşı keçirilən oyunun ilk hissəsində fərqlənib.

Teleqraf.com xəbər verir ki, Messi ilk hissənin sonunda başla qol vurub. Bundan bir neçə saniyə qabaq argentinalı hücumçu penaltını yerinə yetirə bilməyib.

33 yaşlı argentinalı üçün bu top Kataloniya klubunun rəsmi oyunlarında 643-cü olub. Messi bir klubun heyətində vurduqları qol sayında braziliyalı Pele ilə bərabərləşib. Pele Braziliyanın “Santos” komandasında eyni sayda qol vurub.

Qarşılaşma 2:2 hesabı ilə başa çatıb.