Rusiyadan hədə: “Onlar layiq olduqları cəzanı alacaqlar”

Rusiya İstintaq Komitəsi bir qrup rusiyalı jurnalistin Zaporojye vilayətində bombardman edilməsinə görə cinayət işi qaldırıb.

Teleqraf.com xəbər verir ki, komitənin bəyanatında Ukrayna ordusunun nüvə stansiyası ərazisində qadağan olunmuş kaset bombalarından istifadə etdiyi bildirilir.

Ötən gün baş vermiş hücumda “RİA Novosti”nin müxbiri Rostislav Juravlyov ölüb və 3 jurnalist yaralanıb.

Rusiya Xarici İşlər Nazirliyinin sözçüsü Mariya Zaxarova Juravlyovun ölümündə Ukraynaya kaset bombası verənlərin də məsuliyyət daşıdığını bildirib: “Rus jurnalistin bu vəhşi qətliamını törədənlər mütləq layiq olduqları cəzanı alacaqlar”.