Eksternat imtahanları keçiriləcək

Əvvəlki illərdə ümumtəhsil məktəblərində oxuyub orta və tam orta təhsilini bitirə bilməyən şagirdlər üçün 13, 14, 15 may tarixlərində eksternat qaydasında imtahanlar keçiriləcək.

Bakı şəhər Təhsil İdarəsinin (BŞTİ) İctimaiyyətlə əlaqələr sektorundan Teleqraf.com-a verilən məlumata görə, qeydiyyat 01 aprel 2015-ci il tarixdən 20 aprel 2015-ci il tarixə kimi iş günləri saat 14:00-dan 17:00-dək aparılacaq, sənəd qəbulu BŞTİ-də həyata keçiriləcək.

Qeydiyyat üçün tələb olunan sənədlər:

Şəxsiyyət vəsiqəsinin natoriat qaydasında təsdiq olunmuş sürəti;
2 ədəd 3x4 ölçüdə fotoşəkil;
Təhsil müəssisəsindən neçənci sinfi bitirdiyinə dair arayış;
Ümumi orta təhsil haqqında sənədin (şəhadətnamə) natoriat qaydasında təsdiq olunmuş surəti (tam orta təhsil sənədi –attestat almaq istəyənlər üçün);
BŞTİ müdirinin adına ərizə.

Eksternat imtahanları Bakı şəhəri 45 nömrəli tam orta məktəbdə baş tutacaq. Ərizələri BŞTİ tərəfindən qəbul edilmiş eksternlər 6, 7, 8 may tarixlərində 10:00-dan 16:00-dək 45 nömrəli tam orta məktəbdən imtahana buraxılış vərəqələrini əldə edə biləcəklər.

Qeyd edək ki, imtahana gələrkən şəxsiyyət vəsiqəsinin əslinin gətirilməsi vacibdir.

Sevil