Məşhur aparıcı ana oldu

Tanınmış aparıcı Aytən Səfərova ikinci dəfə ana olub.

Oğul anası olan aparıcı sevincini şəxsi facebook hesabında paylaşıb.

Qeyd edək ki, Aytən Səfərova martın 18-də Azərbaycanın Ağsu şəhərində anadan olub. 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbərlər buraxılışının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər" verilişinin müxbiri və aparıcısı, "Xəbərçi" verilişinin aparıcısı və redaktoru vəzifələrində çalışıb.

2005-ci il yanvarın 28-də, elə ANS-də tanış olduğu keçmiş həmkarı, idman jurnalisti Zəki Feyzullayevlə ailə qurub.

2006-ci il yanvarın 23-də övladı dünyaya gəlib. Bir müddət televiziyadan ayrılsa da 2007-ci ilin may ayında yenidən ANS TV-yə işə qayıdıb. Əvvəlcə ANS Press xəbər agentliyinin baş redaktoru, daha sonra isə ANS ÇM radiosunun baş aparıcısı və "Hər səhər" informasiya-əyləncəli verilişinin aparıcısı vəzifəsinə çalışıb. "Kökaltı" verilişinin aparıcısı olub.

Sonuncu dəfə ANS-də "Salam Azərbaycan" verlişində aparıcı kimi çalışıb.

Rəqsanə