“Sarı jiletlilər” bu dəfə Almaniyada – Foto

Fransanın paytaxtı Parisdə yanacağın qiymətinin qalxması ilə əlaqədar başlayan etiraz aksiyaları Avropanın digər ölkələrinə də yayılmağa başlayıb.

Teleqraf.com xəbər verir ki, Belçika və Hollandiyadan sonra Almaniyada da “sarı jiletlilər”ə dəstək aksiyası keçirilib.

Almaniyanın paytaxtı Berlində Brandenburq qapısı qarşısında baş tutan piketdə sarı jilet geyinən aksiya iştirakçıları tərəfindən Fransaya dəstək şüarları səsləndirilib.

Qeyd edək ki, Fransada noyabrın 17-dən yanacağın qiymətinin artması ilə əlaqədar genişmiqyaslı etiraz aksiyaları keçirilir. Yanacağın qiymətinin artmasına qarşı hərəkat “sarı jiletlilər” hərəkatı adlandırılıb.