İsrail Qəzzanı atəşə tutdu

İsrail ordusunun Hərbi Hava Qüvvələri Qəzza zolağında radikal Fələstin qruplaşması "İslam cihadı"nın mövqelərinə hava zərbələri endirib.

Teleqraf.com xəbər verir ki, bu barədə İsrail ordusunun mətbuat xidmətinin məlumatında deyilir.

Məlumatda bildirilir: "Hazırda İsrail ordusu "İslam cihadı" terrorçularının obyektlərinə hücum edir". Qeyd edilir ki, hücum fələstinli radikallar tərəfindən İsrail ərazisinin atəşə tutulmasına cavab olaraq həyata keçirilir.

Qeyd edək ki, İsrail "İslam cihadı" radikal qruplaşmasının terror təşkilatı hesab edir.

Daha sonra İsrail ordusunun mətbuat xidmətindən bildiriblər ki, zərbələr endirilən obyektlərin arasında raketlər üçün komponentlərin hazırlandığı bina da olub. Həmçinin zərbələrə Xan-Yunis şəhərində təşkilatın qərargahı da zərbələrə məruz qalıb.