Saray çalxalanır: Şahzadə və arvadından gözlənilməz addım

İngiltərə taxtının varisi Şahzadə Harri və həyat yoldaşı, keçmiş model Meqan Markl ölkədə şok effekti yaradan qərar qəbul edib.

Teleqraf.com xəbər verir ki, “Sussex” adlı firma quran cütlük yüzdən çox məhsulun istehsalına hazırlaşır.

Milad bayramını Kanadada qarşılayacaq Harri və Meqan Marklın bu həmləsi cütlüyün kral sarayının digər üzvləri ilə münasibətlərinin soyuması iddiasının yayılmasına yol açıb.

Susseks hersoqu və qraf ünvanlarına sahib olan cütlük bu dəfə “Susseks” (Sussex) adını markalaşdırmaq qərarına gəlib.

“Deyli Mayl”ın iddiasına görə, Markl və Harrinin qurduğu firma yüz adda məhsul istehsal edəcək. Atılan bu addımlar cütlüyün “Sussex Royal” Fondu adı altında qlobal bir marka imperiyası yaratmaq istəyindən irəli gəldiyi bildirilib.

Cütlük son dönəmdə ABŞ-a köçərək gələn ilin sonunadək orada qalacağı iddiası ilə gündəmə gəlmişdi.