14 Fevral 2020 22:53
1 483

Ukrayna Müdafiə Nazirliyi 2020-ci ildə 30 min nəfəri hərbi xidmətə çağırmağı planlaşdırır.

Teleqraf.com xəbər verir ki, bu barədə Ali Radanın Milli Təhlükəsizlik Komitəsinin iclasında müdafiə nazirinin müavini Aleksandr Polçuk bildirib.

Nazir müavini ötən il Ukraynada 15.2 min nəfərin hərbi xidmətə çağırıldığını söyləyib.

“Bu il 30 minə yaxın insanın Silahlı Qüvvələrə, digər hərbi hissələrə çağırılması planlaşdırılır. Vətəndaşlarımızdan bu vəzifəni yerinə yetirmələrini istəyirik”, – Polçuk deyib.

O, həmçinin əlavə edib ki, yaxın gələcəkdə Ukraynanın hərbi xidmətə çağırışdan imtina etmək planları yoxdur.

Bundan əvvəl Ukrayna Prezidenti Vladimir Zelenski 2020-ci ildə hərbi layihə ilə bağlı fərman imzalayıb. Sənəddə bildirilir ki, çağırış aprel-iyun və oktyabr-dekabr aylarında baş tutacaq. Əvvəlki illərdən fərqli olaraq, 2020-ci ildə ukraynalılar 18 yaşından könüllü olaraq Silahlı Qüvvələrdə xidmət etmək üçün gedə biləcəklər, qalanları üçün çağırış yaşı eyni olaraq qalır - 20 il.

Ukrayna Müdafiə naziri Andrey Zaqorodnyukun sözlərinə görə, çağırışçılar Donbasdakı silahlı qarşıdurmaya qatılmayacaqlar.

Əlavə edək ki, Ukraynanın Donbas bölgəsi 2015-ci ildə rus separatçılar tərəfindən işğal edilib.


Müəllif: Mənsur Rəğbətoğlu