Son durum: Hücuma keçən rus ordusuna ağır zərbə - İtkilərlə geri çəkildilər

“Rusiya qoşunları müvəqqəti olaraq işğal olunmuş Krımla quru dəhlizi əlində saxlayır və Azov dənizinə çıxışı bağlayıb”.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda qeyd edilib ki, hücum potensialını itirmiş Rusiya ordusu federasiyanın dərinliklərindən Ukrayna sərhədlərinə ehtiyat qüvvələr gətirir.

Baş Qərargah bildirib ki, Rusiyanın hərbi-siyasi rəhbərliyi Belarus Silahlı Qüvvələrinin hərbçilərinə Ukraynaya hərbi müdaxilənin zəruriliyi ilə bağlı aqressiv təbliğat tədbirləri həyata keçirir.

Məlumata görə, rus ordusu Donetsk və Luqansk istiqamətlərində irəliləmək və möhkəmlənmək cəhdlərini davam etdirsə də, buna nail ola bilməyib.

Ukrayna ordusu ötən gün ərzində rus qüvvələrinin 13 hücumunu dayandırıb. Nəticədə rusların 14 tankı, 8 piyada döyüş maşını, 2 zirehli texnikası, 3 artilleriya sistemi və 4 texnikası məhv edilib. Eyni zamanda, rus ordusunun 2 hava hədəfi vurulub.

Ukrayna ordusu Mariupoldan Rusiyanın “Raptor” patrul katerini və “Leer-3” elektron döyüş kompleksini məhv edib.