Rus ordusu iki istiqamətdə hücuma keçdi – Ukraynadan cavab gecikmədi

Ukrayna hərbi qüvvələri Baxmutda Kodem və Verşin istiqamətlərində Rusiya qoşunlarının hücumunu dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ruslar Baxmut istiqamətində Novoluqanske, Nyu-York, Pokrovske, Vesela Dolyna, Soledar, Berestov, Vesele, Vyimka, Semixirya, Verşina yaşayış məntəqələri və Vuqlegirsk İES-nin ətrafını tanklardan və reaktiv artilleriyadan atəşə tutub.

Rusiya qoşunları Nyu-York, İvano-Daryivka və Semixirya yaxınlığına da hava zərbələri endirib.

Ukrayna hərbi qüvvələri Kodem və Verşin istiqamətlərində hücumları dəf ediblər.