27 Mart 2023 16:52
1 766
12 Punto 14 Punto 16 Punto 18 Punto

Rusiya Ukraynaya qarşı müharibədə uduzduqdan sonra fərqli tarixə malik müəyyən etnik ərazilərin ayrılması prosesinə start veriləcək.

Teleqraf.com xəbər verir ki, bunu Ukrayna Prezident Aparatı rəhbərinin köməkçisi Mixail Podolyak deyib.

“Obyektiv proseslər var. Bu, 140 milyonluq bir ölkədir, müəyyən həcmdə resurs, ərazi və sair var. Özlərini orijinal ərazi kimi qorumaqda maraqlı olan insanların yaşadıqları hissələr də mövcuddur. Onlar rus kimliyini qoruyub saxlamaqda maraqlıdırlar, baxmayaraq ki, bunun nə olduğunu bilmirlər, çünki Rusiya Federasiyası başqasının tarixini oğurlayıb və yenidən yazıb. Prinsipcə parçalanma belə olmayacaq. Ancaq fərqli tarixə, fərqli baxışa, fərqli sosial münasibətlərə malik olan müəyyən etnik ərazilər 1990-cı illərin əvvəllərində, suverenlik paradının yalnız “kanonik SSRİ”-nin dağılması ilə məhdudlaşdığı bir vaxtda edə bilmədiklərini həyata keçirmək üçün fürsət pəncərəsi əldə edəcəklər. Onlar həmin dövrdə Rusiya Federasiyasının bir hissəsi olaraq qaldılar, indi bu prosesə start veriləcək və tamamlanacaq”. – Ukrayna rəsmisi bildirib.

Podolyakın fikrincə, rusların hərbi məğlubiyyəti ilə Kremlin iğtişaşlardan qaçmaq üçün cəmiyyətə sırıdığı “böyüklük” mifi dağılacaq:

“Rusiya yoxsulluq içində, tamamilə geridəqalmış infrastrukturda yaşayır. İndi isə Ukraynada “böyüklük” mifi dağılır. Ruslar həyat keyfiyyətini nəyə dəyişdiklərini soruşacaqlar”.

O, əmindir ki, müharibədən sonra qlobal proseslərdə rol oynaya bilməyən bir Rusiya olacaq:

“Qlobal miqyasda G8 və ya G20-də ola biləcək bir ölkə kimi qəbul edilməyəcək. Onun iqtisadiyyatı tamamilə xammaldan asılıdır, bəşəriyyət üçün çox kiçik bir faydalılığı var. Texnologiya baxımından isə ümumiyyətlə ən geridə qalmış ölkədir. Rusiya olması lazım olan yeri tutacaq. Qlobal müzakirələrdə daha az görünəcək”.


Müəllif: Mənsur Rəğbətoğlu