Ukrayna ordusu hərəkətə keçdi: Hücumların qarşısı alındı

Son 24 saat ərzində Ukrayna ordusu eyni anda bir neçə istiqamətdə Rusiyanın onlarla hücumunu dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Gün ərzində cəbhədə ruslarla 66 hərbi toqquşma olub. Kupyansk istiqamətində ruslar Sinkovka, Xarkov, İvanovka və Luqansk vilayətində Stelmaxovka yaxınlığında uğursuz hücum əməliyyatları həyata keçiriblər. Ukrayna əsgərləri burada rusların 10-a yaxın hücumunu dəf ediblər. Ukrayna ordusu Donetsk vilayətinin Baxmut şəhərinin cənubunda hücum əməliyyatlarını davam etdirir. Ukrayna qoşunları canlı qüvvə və texnika ilə ruslara itki verir, əldə olunan xətlərdə möhkəmlənir”, - Baş Qərargah bildirib.