Heç kim Gürcüstana göstəriş verə bilməz.
Teleqraf.com xəbər verir ki, bunu Gürcüstan Baş naziri İrakli Kobaxidze NATO baş katibi Yens Stoltenberqin Tiflisə səfəri zamanı payızda keçiriləcək seçkilərlə bağlı göstəriş verib-vermədiyinə dair sualı cavablandırarkən deyib.
“Gürcüstan müstəqil dövlətdir və heç kim ona göstəriş verə bilməz, o cümlədən nə dost, nə də həmkarlarımız”, - baş nazir bildirib.
Kobaxidze vurğulayıb ki, Gürcüstan problemlərə görə yox, dövlət maraqlarına uyğun hərəkət edir.
“Məsləhət və təkliflərə gəlincə, hər şeyi dinləməyə və nəzərə almağa hazırıq”, - baş nazir əlavə edib.
NATO-nun baş katibi martın 18-də Gürcüstana gedib. Tiflisdən İrəvana uçan Stoltenberq martın 17-18 ikigünlük səfər proqramı ilə Azərbaycanda olub.