Üç ölkə Haniyənin qətli ilə bağlı bəyanat layihəsini rədd etdi

ABŞ, Böyük Britaniya və Fransa HƏMAS Siyasi Bürosunun rəisi İsmayıl Həniyənin qətli ilə bağlı Rusiyanın irəli sürdüyü bəyanat layihəsini rədd edib.

Teleqraf.com xəbər verir ki, bu barədə İranın BMT-dəki daimi nümayəndəsi Əmir Səid İrəvani BMT Təhlükəsizlik Şurasının iclasında deyib.

“ABŞ, Böyük Britaniya və Fransa Rusiyanın İsrailin vəhşiliyini pisləyən təklifini bloklayıblar”, – İrəvani çıxışında vurğulayıb.

Xatırladaq ki, daha əvvəl BMT TŞ-nin dövri sədri Rusiyanın təşkilatdakı daimi nümayəndəsinin birinci müavini Dmitri Polyanski HƏMAS hərəkatının Siyasi Bürosunun rəisi İsmayıl Həniyənin İranda öldürülməsi ilə bağlı BMT Təhlükəsizlik Şurası (TŞ) iyulun 31-də fövqəladə iclas keçirəcəyini açıqlamışdı.

İ.Həniyə iyulun 31-də İranın paytaxtı Tehranda öldürülüb. O, İranın yeni Prezidenti Məsud Pezeşkianın andiçmə mərasimində iştirak etmək üçün Tehrana getmişdi.