Zelenski müjdəni verdi – “Bunu mümkün etdik”

Ukrayna Prezidenti Vladimir Zelenski Qərb ölkələrindən alınmış F-16 döyüş təyyarələri ilə bağlı açıqlama verib.

Teleqraf.com xəbər verir ki, ölkə lideri artıq qırıcıların Ukraynanın hava məkanında uçduqlarını deyib.

“Ambisiyamızı, müdafiə ehtiyacımızı mümkün etdik, indi F-16 həqiqətən gerçəklikdir - səmamızda olan bir reallıqdır”, - Zelenski vurğulayıb.

Ukrayna prezidenti sosial media hesabında alınmış yeni F-16-ların fotolarını da dərc edib.

Vladimir Zelenski bundan əvvəl döyüş təyyarələrini Ukraynaya verən ABŞ, Hollandiya və Danimarkaya təşəkkürünü bildirmişdi.