Suriya ilə bağlı beynəlxalq toplantı - Kreml şərtləri açıqladı

Rusiyanın xarici işlər naziri Sergey Lavrov və BƏƏ-nin həmkarı Abdullah bin Zayed Əl Nəhyan telefon danışığı zamanı Suriyadakı bütün siyasi qüvvələrin iştirakı ilə inklüziv dialoqa başlamaq üçün erkən beynəlxalq görüşün keçirilməsini dəstəkləyiblər.

Teleqraf.com xəbər verir ki, bu barədə Rusiya Xarici İşlər Nazirliyinin saytında məlumat verilib.

“Nazirlər yekdilliklə belə bir görüşün keçirilməsi təşəbbüsünün BMT baş katibinin xüsusi nümayəndəsi Geir Pedersen tərəfindən yaxın gələcəkdə irəli sürülməli olduğu qənaətindədirlər ”, - Rusiya diplomatik departamentinin bəyanatında deyilir.

Qeyd olunur ki, belə bir dialoq BMT Təhlükəsizlik Şurasının 2254 saylı qətnaməsində təsbit olunmuş prinsiplərə ciddi şəkildə uyğun olaraq başlanmalıdır. Qətnamənin mətnində əsas prinsip kimi Suriyanın gələcəyini Suriya xalqının özü müəyyən edəcəyi vurğulanır, həmçinin Beynəlxalq Suriya Vasitəçilik Qrupunun (ISMG) rolunu Suriyada davamlı siyasi nizamlanmaya nail olmaq üçün BMT-nin səylərini asanlaşdırmaq üçün mərkəzi platforma kimi tanıyır.