“Bu, bütün bölgə üçün önəmli amildir” - Əliyev iranlı nazirə

“Azərbaycan-İran dostluğu və əməkdaşlığı bütün bölgə üçün önəmli amildir”.

Teleqraf.com xəbər verir ki, bunu Azərbaycan Prezidenti İlham Əliyev bu gün İran İslam Respublikasının yol və şəhərsalma naziri, Azərbaycanla İran arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının İran tərəfdən həmsədri Mehrdad Bəzrpaşı qəbul edərkən vurğulayıb.

İkitərəfli münasibətlərimizin gündəliyinin yalnız nəqliyyat sektorunu deyil, eyni zamanda, daha geniş sahələri əhatə etdiyini deyən Azərbaycan Prezidenti Hökumətlərarası Komissiyanın fəaliyyətini yüksək qiymətləndirdi, bütün sahələr üzrə yaxşı nəticələrin əldə edildiyini qeyd edib.