Özbəkistan "yaşıl enerji"nin payı ilə bağlı hədəfini açıqlayıb

"Özbəkistan 2030-cu ilə qədər bərpa olunan enerji mənbəyindən əldə olunan elektrik enerjisinin payını azı 40 %-ə çatdırmağı planlaşdırır".

Teleqraf.com xəbər verir ki, bunu Özbəkistanın energetika nazirinin müavini Umud Mahmudoviç Mamadamino noyabrın 11-dən başlayaraq noyabrın 22-nə qədər Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində təşkil olunmuş Mərkəzi Asiyada Enerji keçidi üzrə İnvestisiya Forumunda deyib.

"Son illər ölkəmiz karbon emissiyasını azaltmaq, bərpa olunan enerji sektorunu inkişaf etdirmək üçün bir sıra addımlar atıb, öhdəliklər götürüb. Transsərhəd ölkələr böyük bərpa olunan enerji resurslarına malikdir. Bu baxımdan səylərin birləşdirilməsi və əməkdaşlıq çox önəmlidir", - o qeyd edib.